في الليل لما خلي __ كتبت ما يلي :_ ....................

[justice]

الف لاباس عليه .. الحين أنزل أشوفه ..
عندي وازلين عجيب ..واحده بوحده...من يدهن ركبه بعد مايحس بشي موليه ...
لى ردينا أعطيه إياه ..

عيل أمك و خواتك قاعدين معاه تحت

إي عمي ... لا و كل اهل فريجنا قاعدين معاهم تحت
يارتنا خالتي هيا و بنات أختها
و بوعبد اللطيف البقاقي و عياله
و يارنا بيت حمود العبدالرحمن
و يارنا جويعد مطلق
و يارنا حيدر آغا
و طيبة راديو

الله يا هي بخيلة ..تشغلة ربع ساعة تقول اخاف يخلص الباتري

هذا يزاها اللي تبي تونسنا و تعلمنا ..صج انك منكر حسنة .. جم مرة يزفك ابوي ..و لا تيوز من هالطبع الكسيف

هه هه هه ...

تضحك عمي ...

طيبة راديو الله يسلمك هذي اللي تيمعنا عندها عقب المغرب و تشغل لنا الراديو


آنا ما أضحك على طيبة ...أفأ .. طيبة عاد اللي لها فضل على كل يهال الفريج .. و على الكبار بعد ... و النعم والله فيها ..مرة طيبة ...

آنا أضحك على ربعنا .. اللي ما خلو أحد ما حطو له علوقة
عيل بوعبداللطيف البقاقي هه .. هه ..



طالع ... طالع ...توني أثبت
أمة محمد ... ما عمرهم تيمعوا في مكان واحد مثل الحين

... ماشا الله المكان متروس حريم و يهال ..
بقى أحد في الديرة ما يي ..
طالعوا...شوفوا ..شوفوا ..هناك جدام ... الله ..الله ..الله ياهي عالم ..
طالعوا اللي فوق السطوح هناك ... يه ... يه ,,,


عمي ...عمي ...
في عنجريزي توه ياي ... شوفه
.......

عنجريزي بو تيله ... عساه يمو........

إنطم خلود ..مو وقته ..

شفيك تجعمني ..
حاط دوبه دوبي
ولد عمك هالعنجريزي اللي ادافع عنه

أو هوووو ... بتسكت ولا شلون
آنا قاعد أحميك يالمخدي



يواش يواش ..
مو زين المداحر
خالد إسمع كلام اخوك العود ......................



---------------

الساعة 6.30 صباحا

التاريخ 25 / 2 / 1950


2​

يتبع / .............

علي آل بن علي​

 

[justice]

يواش يواش .. علامكم ...
خالد إسمع كلام اخوك العود

خلونا في سوالفنا يا عيال الغالي ............

حاضر عمي
ان شاء الله عمي ,,,راح اسكت مولية


ولا تقول ... ابوك ركبه تعوره هاه ...
علشان جذيه ما شفته .. انا اقووووووول
.. شوف ... ترى آنا ثالث واحد حضر اليوم و قلت أكيد بشوفه ياي قبلي ..
هذا اذا مو نايم هني من البارحة .. ( ضحك من الجميع )

... عيل بومحمد اللي يموت عليه ما يي .........
معقولة

يه ...عمي ..شتحجي ...
صار له اسبوع كل يوم يحن علينا .. ما خل شي مول

صيحة مستجله :_

احمدو لى الحين ما قصيت شعرك .. يه ..لا حول
تزهبوا ..لاتنسون ...
وين دشاديشكم ..
بيت بوحمود ما يبون يروحون ويانا .. أكيد
قلتوا حق عدول الصكه لا يي ويانا .. خل يروح مع منيرة يساعدها .. ماتعبر ..هبابها تمشي
و خالته بزه بتروح مع بيت بوفهد ولا ويانا
خلود و يهد شحقه لابس دشداشة الطلعة من الحين
ام محمد .. عيالك بينوني .. بيخلوني اطلع من طوري
جابلي بناتج .. تسمعين عبالج آنا غافل عنهم
شريتي عبي يدد

تدري الساعة جم مقعدنا اليوم ....الساعة اربع الفير...قوموا اخاف يطوفنا الاحتفال ... قموا .. الله لا يبارك في ابليس ..
خامدين هااااا...قموا ...لا نتأخر...
ترى أروح عنكم ...

صاج ...صاج ..يقدره وايد.. روحه المركبة ........






التاريخ 25 / 2 / 1950
الساعة 6.30​

3


يتبع / .............

علي آل بن علي ​

 

[justice]

مو بس ابوك يحبه ...كل اهل الكويت يحبونه

ما شاء الله عليه .. يعرف العوايل و أنسابهم ... و يتذكرهم عدل ..و يقدر الناس .. و يعمل الخير لهم

تصدق مرة قاعد أمشي بالسوق ... و هو قاعد مع رفيجه جدام الحفيز ... جان يناديني و يسألني أنت من ولده .. قلت له ولد عبدالرحمن بن سالم ..جان يقول و النعم ..
اتصدق طلع يعرفه .... لا إله إلا الله عليه ...

لا ...و عقب مدة طويلة رحت له على شغله مهمة مكدرتني ...
قال لي .. المغرب تنحل مشكلتك
و فعلا ما صار المغرب الا مشكلتي محلولة... و ضحكتي من هالشق لى هالشق

إسعاد الكويتي جل مراده و غاية سعيه
كرامة الكويتي شغله الشاغل و همه ... في صباحه و أمسه ..

يه عمي صرت شاعر

من خلال معرفتنا الوثيقة فيه و في طيبته و خصاله و إخلاصه لنا و اللي تنبؤنا مقدما بما سيوفره لنا مما نحتاج

و الأهم ..إسمع زين و تذكر كلامي لى كبرت ...هااااااه ..تذكر كلامي لى كبرت ...أقول و الأهم ما سيتركه من بعده فينا من عهد وثيق فيه عدل و إنصاف و حفظ كرامة نزهو به و نطمأن لرسوخه و صلابته و نفديه بأنفسنا ..................... تخلي كل واحد فينا يشعر

اهل الكويت رأسمالهم .. و اهم ما عندهم كرامتهم .. و اللي يحفظ كرامتهم يحطونه في يوفهم .. و اللي يهين كرامتهم يصير دم ضروسهم .. و يدعون عليه ربهم ..

عمي اشدراك عن اللي ناوي يسويه ... أنت سائله شبيسوي .. شلون يعني تعرف شبيسوي في المستقبل

آنا أقول لك ... و ثبت اللي بأقوله بقلبك زين ... و إعتبره مقياس تقيس عليه ..و تحكم على الأمور من خلاله

الأرض الطيبة تنبت شنو ؟ ... زرع طيب ...و الزرع الطيب إييب شنو ؟ .. ثمر طيب ...

.. ... و إحنا اللي من رأفة الله فينا أكرمنا به لنحصد الأثمار ..

إييييييييييه .. الحمد لله كثير الفضل .. لما حمانا من ظلام الجهل .. و أقولها من قلب لما اتلفت حوالينا

الزمن الجميل رتب لقائنا معه .. فإلتقينا معا على غير موعد

ففرحنا به ..و فرح بنا ...
و تهادى الخير منسكبا مزهوا باللقاء

و غنت الأرض :

......... قاعدة و آنا أتريه .. كل لحظة و شويه
أدري حبيب الروح ... ناوي على الجيه

ياشميستي روحي
.. .. نادي حبيب روحي

ما يرضي محبوبي
....... أقعد آنا بروحي

و صدقوني يا أهل الديره
............... مالي حبيب غيره

التاريخ 25 / 2 / 1950
الساعة 6.30

​

4
-

علي آل بن علي

​

--------------------------------------
الشعر : لـــ مبارك الحديبي مع تغيير كلمتين

 

[justice]

.


شوفوا يا عيال .. بوريكم شي ... عندي بنية تكتب خوش كلام
حصه .. حصه ..هه ..وين راحت ...

كاهي هناك .. عند خالتي ام عباس ..

إيييييي كاهي .. تعالي بنيتي ( يلوح بيده )
صبحكي الله بالخير ام عباس ..
أم عبااااااااااس .. الظاهر ما سمعتني ..
..............
امبلى سمعتك ... تقول لك.. و انت شلونك

هااااااا.... مو يظه هالعالم ... وين الواحد يسمع ..
حشه .. الديرة خلت
خل اوقف .. أوهوووو ..وخر سعويد.... حمني ..غنومة ..وخروا شوي
هلا بو عادل ... ياحبك للعناد ... وخر خنشوف المره
و دز لطيف هالمتيح ..
فتيحة تلي خالك ..
شالزحمة ...يه ..يه
ماشاء الله عمي ..تعرف نص الكويت
اهل الكويت يعرفون بعضهم بعض
اي الحين .. قامت تأشر بيدها
هلا هلا ام عباس .. الله يسلمج
شالقبوط اللي طرشتيه البارحة ...

ام عباس : شقنوطه ..و يه وخري فطومة ..شقنوطه

هه..هه >( ضحك من الجميع )

مو القنوط ..القبوط .. القبوط ...
لطيف بأعلى صوته : ام عباااس .. ورى مادزيتي لي قبوط

بوبدر : اسكت يا لطيف ... يالبحيم
(ضجة ... و كلام جماعي متداخل و ناس تروح جيئة و ذهابا.. و اطفال يلعبون )




يتبع / .............

التاريخ 25 / 2 / 1950
الساعة 6.30



5​

علي آل بن علي​

_______________

 

[justice]

أم عباس : .. هو ..هو ..فطومة ..ينيتي ..وى ... وى ..هيعي خل اكلم بوبدر ...
...فطوم خلي الكيس ..قعدي ..ويه قطيعتك على الله ,,يا خي ..فطيم .. ليتني ما يبتها

هيا : و من تخلينها عنده ...حتى سبيكة يارتنا اللي تهجع ياية ..شوفيها هناك تحت ..
لزمت عليهم و عضدوها من هناك لى هني.. تقول : و الله لوشنو ..حبيب اهل الكويت ما ايي احتفاله .. عيل من حقه أيي .. ويه .. لا تخلوني أحجي
أهو بس ..عطوني عصاتي ...

الفريج خالي كلهم يايين الاحتفال ... الديرة تصفر ... إذا مو الديرة ياية ويانة بعد
..عيد ..عيد... الكويت فرحانة .. الديرة في حال بهيج
عسى الله يديمه علينا ..و على الأجيال اللي عقبنا

أم عباس : ... إحنا ضمنا البهجة .. و من خلال هالإحتفال قاعدين .. نردد شعر شوقي ..
وَلا كَرَّمتُ إِلا وَجهَ حُرٍّ * يُقَلِّدُ قَومَهُ المِنَنَ الرَغابا ...

بس الله يعلم ... حال عيالنا و اللي عقبنا و حال ديرتنا ... شيقلدونهم

لهيتيني عن بوبدر
بوبدر ... بو بدررررررر... عسى عجبك القبوط...عسى عجبـــــــــــك
هيا : أح ...شالصراخ ..قضيتي أذوني ...

شلون ؟ ..عجبني !
..يه ... يه ... طول البارحة و آنا ارايح راد على الجدر
مرتي تقول لي .. بوبدر شفيك ..مشفح ...
عليك بالعافية
الله يعافيج ام عباس .. سلمي على بو عباس و قول له خل يمرنا الليلة .. الربع بيقعدون على الدكة ...
عمي طاحت نظارتك
أقوووول بنقعد الليلة.... نسولف عن الاحتفال .. أي ..أي بنقعد
أي ... خير ان شاء الله
وين النظارة ..أهو عطني اياه ..يراك الله خير
و النعم فيها ..مرة اصيلة ..عاد ورى ما سلمتو عليها
عورتني بلاعيمي من الصراخ .. ماشاء الله قبط المكان مولية ... هه قبط و آنا ماكل قبوط البارحة
هه..هه >( ضحك من الجميع )

يت الحبيبة .. نور عيني ... البنت غير الولد في محبتها لأبوها ... أدري بتبرطمون ..بس هذا الصج
ياهلا بنيتي حصة.. ..
وريهم شكاتبه عن راعي الأيتام ..
عن اللي نطق ارض الديرة فقالت قاعدة و آنا أتريا ..

و آنا بعد قاعد أتريا سيرته ... سيرة الملهم .. .. النير..الفذ .. روح الكويتيين المعلقة ..

حاضر يبه ... تبيني أقراه اللي كاتبته كله ..
.. أي .. خو أقصاه صفحة و احد
بيه .. يبة..خبرك عتيج .. كتبت عنه وايد
هاااه ..ما علمتيني ...وريني اشوف
خشيته عنك .. كنت بفاجئك فيه اليوم لى خلص الاحتفال
لا يا شويطينه ..
عيل ..شوفي آنا أحب الشعر .. إقري أول عن شعره اللي قاله في رفيجه

........................
....................
...............
...........
جنة بدى الإحتفال ..عمي
.....لا .. لا ريض ... هذول الضيوف ..تعرف عنجريز .. ما عندهم كيري ميري .. ربط و حزم ..و نظام
طالع الأياويد ..هناااااك فوق ... هه ..هه ... طق عصي .. مالك امل تلقى مكان

التاريخ 25 / 2 / 1950

6
​

علي آل بن علي​

 

[justice]

بوعبداللطيف : أقول ... ذبحنا البرد..ما أقدر أنا ما أقدر .. أنطر بعد أكثر
ثبت بويوسف الحين عباس يطمر و يرد
عباس بحماس : ما هقوتي خلّي .. عن وعده يتأخر ...
عبداللطيف لبويوسف : ما قلت لك
بوعباس : .. خذ بشتي .. ترى يبر
بوعبداللطيف : أتغشمر .. لابس بالطوين .. من أصجك أروح ..أروح و آنا ياي الإحتفال و قول احمد شوقي يرننننن ابالي :

وأن البر خير في حياة ...وأبقى بعد صاحبه ثوابا​

وأن الشر يصدع فاعليه ... ولا ادرعوا الدعاء المستجابا

و هاللي كلنا نتنظر بلهفة تدشين مسيرته.. راعي الأيتام .. راح يبر فينا ..و .. يحمينا من الأشرار

بويوسف : أن أشهد.. و عسى الله يحمينا و يحمي عيالنا .. و عسى نهجه يستمر من بعده ..و يتشبثون فيه الأجيال اللي عقبنا و لا يتخلون عنه مولية..مولية ... مولية.. خصوصا و ان خير النفط راح يخلي الأشرار يتكالبون عليه و عليهم و على حقوقهم

بوعبد الله : أي والله .. عسى ... عسى
كلنا نشهد .. ما عمره وعد بمساعدة احد من أهل الكويت و تأخر ...

صادق العهد و الكلمة

مو من اللي يفعلون عكس ما يقولون

كرامة الكويتي عنده فوق اي شي

إسعاد الكويتيين .. غايته

دحر من قهر احد من الكويتيين أو ظلمه أو طقه .. نهجه

حفظ اموال الكويت .. رايته

رفعة شأن ديرته بين الامم .. هدفه

الله يخليه لنا و لديرتنا ...

( اصوات تردد ...الله يخليه .. ذخر .. فخورين فيه ..الله يرعاه ............................. )

التاريخ 25 / 2 / 1950
الساعة 6.30


7
​

ضمن سرد الحوار
بيت شعر لمبارك الحديبي

علي آل بن علي​

 

[justice]

وين دفترك يا بنيتي ...
يلا إقري الشعر اللي قاله في رفيجه
اي شعر... اللي قاله في رفيجه يوسف الجناعي ؟
أي نعم ...
تدرين ...عطيني الدفتر أهو ...خليني آنا أقرى ...
يقول حبيب الكويت و أهلها ..عن رفيجة يوسف بن عيسى

لك الشكر يا رمز الوفاء على المدى
......... ويا طوره العالي على المتسلق
........لقد ملأ الإخلاص نفسا أبية..... لم تعرف سبيل التملق

:.....وكنت يا أبا عيسى على الخير هاديا

:::.....::....:...تذود عن الأخلاق في كل مرفق
.. فمازلت مختالا بأكمل صحة
||...::.... تحلق في جو الهناء وترتقي

...............
........

​

الكويت في 25 / 2 / 1950



8

​

علي آل بن علي​

 

[justice]

-

انزين يا عيال .. من الشعر اللي قاله تقدرون تعرفون شيحب الشيخ عبدالله ... اهو كلام موجهه لرفيجه العزيز عليه ..عدل .. فأكيد قال له الاشياء الطيبة اللي اهو مقتنع فيها و يطبقها اهو نفسه في حياته .. صح ... انزيييييييين ..منو النبيه فيكم اللي يقول لي شنو اهي
آنا يبه ... آنا أقول
قولي يا بنيتي ياروحي المعلقة
اهو يحب النفس الأبية
عفية عليج
و بعد ..
خل أقول لكم شيحب .. لا و شيكره بعد ...
خالد لاهي .. اسمع يا وليدي..اسمع و أنا أبوك
عمي .. آنا قاعد اسمع .. يس شفت صويلح ولد يرانا .. قلت باكلمه عن نباطتي ماخذها من جم يوم و لا رجعها لي
.. آنا أكلمه . صويلح مثل ابوه طيب .. يمكن نسى ..
خلك وياي ..إسمع :

من

هذه الابيات يتبين لنا انه كان يحمل و يقدر صفات :



* النصح الهادف

** التقدير للآخر

*** الشكر

**** العرفان

***** الوفاء

****** الإخلاص

******* الهدى

******** الخلق العالي

********* الارتقاء

********** النفس الابية

*********** الهناء

************ الذود عن عقيدة الانسان




و يكره


التسلق *

التملق **


..............................




::::::::::::::::::::::::::::::::::::::

قد قصدناه على غير اتفاق ،

.:::........... فنظرنا...... و ابتسمنا للتلاقي

أهل الكويت

--------------------



الكويت في 25 / 2 / 1950



9






​

علي آل بن علي​

====================
الشعر : لــ علي طه​

 

[justice]

تدرون ياعيال أنه كان كان .. يرعى الأطفال والأيتام

إيييييييييييييييه
واحد مهتم بالأيتام شلون ما يصير طيب و أصيل


بقول لكم على شي ما تعرفونه .. ابوكم يمر كل جم يوم على حفيز علي الكليب اللي في اول الشارع اليديد.. علي الكليب وكيل سيارات شفر عرفتوه ... الشيخ عبدالله رفيجه .... دايما يقعد عنده ...

عاد أبوك يتعمد يمر مناك بس علشان يشوف الشيخ عبدالله السالم ...
ينشرح قلبه لى شافه
و هم آنا ترى ساعات أروح مناك و أمر عليهم ..
لا و أيام نروح مع بعض بعد ..

رجل زاهد .. ما يحب الفخفخة .. كلش ... موليه
تصدقون ياعيال .. اثاث بيته مثل اثاث اي واحد من اهل الديرة



.....................
.................



الكويت في 25 / 2 / 1950



::::::::::::::::::::::::::::::::::::::


10

قد قصدناه على غير اتفاق ،

.......:::..... فنظرنا....... و ابتسمنا للتلاقي

اهل الكويت



10

--------------------

الشعر : علي طه​

 

[justice]

الشيخ عبدالله يحب يتعرف على الناس و عوائلهم و يسولف وياهم ..طيب...طيب ...متواضع....كل من يحبه

انت تقول عنه جذيه ليش انه بيصير امير ...هاه ... قال احمد

بوبدر :
لا...لا...أفه....أفه ....

بلاك ما عرفتنا...ماعرفت البحريه ..
هذا و ابوك نوخذه..

البحريه رجال ...عزيزين نفس ما ينزلون راسهم لأحد و لا يعرفون النفاق ...

عيال البحر الواحد منهم ينادونه ساعات على غده او عشه تدري شيرد ...يعتذر و يقول تونا متغدين....و هو مافي بيتهم حتى آردي
إييييييييييه .. البحرية
إسمع هالكلام اللي انقال و يتردد وين ماتروح عنهم

البحرية................... رجال الكويت الاشداء
و فخرها
و سيرتها العطره

نفس ابيه وعزيزه
تحسبهم اغنياء من التعفف

عنوان
المروءه و الشجاعه و الفداء لاهل الكويت

يتسابقون على التضحيه بأرواحهم لانقاذ ابناء وطنهم حين المحن كالحرائق و الحوادث

حين
ينوي صاحب البيت السفر يوفر حاجات اهله و يوصي جاره و يأتمنه على اهله
و يفزع الاخ/الجار
بكل شهامه مستجيبا لمساعدتهم و قضاء حوائجهم الطارئه مثل العلاج و توفير المستلزمات الضروريه طيلة فترة الغياب .

سيره عطره شهد عليها المؤرخون الاجانب



الكويت هي هؤلاء
و
هؤلاء هم الكويت

،
،
،
،
،
،
،
،

-------------------------------------



الكويت في 25 / 2 / 1950


11​

 

[justice]

تدري شقال عنهم رحالة هولندي سنة 1938 .. هولندي هاه ..
يعني ياي من بلد عندهم قبل اكبر اسطول في العالم ...

يقول :

أنهم يرونها وطنا رغم قسوة العمل وخشونته

يتسابقون إلى إنجاز أشق الأعمال ركضا في طاعة ورضا ومحبة ليل نهار

يقطعون عشرة آلاف ميل بسفنهم وسط العديد من المخاطر دون جلبة أو تذمر

إنهم بحارة إلى النخاع ورجال لا يعرفون الزيف

نهج لم أره على أي سفينة أخرى إلا في مسلك بحارة الكويت

ـــ «فاليارس» (1938)
​

تخيل اللي يقول هالكلام ياي من بلد عندهم قبل اكبر اسطول في العالم ...


ادري عمي ..لا تقولي

...تدري !!
....عيل ليش تقول هالكلام اللي كدرني

آسف عمي ...

هنا تدخل شقيقه خالد بعد ان استفزه ما قاله اخيه أحمد قائلا :..

ترى هذا ما يستحي...كله جذيه ..يخوره بالحجي.. خله يولي .. جليل الحيا

انزين عمي كمل سوالفك عن الشيخ عبدالله السالم ... ؟


.
.
.
.
.
الكويت في 25 / 2 / 1950

 

[justice]

كان يرعي الايتام و الاطفال ..
سمعتوا
كان يرعي شنو .. الايتام و الاطفال ..
كان يرعي الايتام و الاطفال ..
إيييييييييييييييييييه

تدري يا وليدي يا أحمد شيرمز له هذا ..........


هذا يرمز الى انه ريال ذو قلب عاطفي حنون ...
يعني ريال قلبه رقيق يهتم بالضعاف و الذين لا حيلة لهم ...و ان هذا شعور بمنتهى السمو و الرقي و التحضر....
و ان هذا الامر يشكل و يرسم شخصيته و تفكيره و قراراته و نهجه ....

و تدرون شنو معنى ان يشكل و يرسم هذا العمل السامي الحضاري شخصية و تفكير و عمل و نهج انسان سوف يتولى منصب امير على مستقبل و مسار الديرة و أهلها .........

لنترك التاريخ يجيب

،
،
،
،
،
،
،
الكويت في 25 / 2 / 1950



........................................................











ما كان كل ما تقدم سرده الا :

حلم لاح لعين الساهر.. وتهادى في خيال عابر
............................. وهفا بين سكون الخاطر .. يقرن نقاء الماضي بغدر الحاضر*​

علي آل بن علي​

=============
* الشعر : كلمات احمد فتحي مع تغيير
مصدرالصور القبس
http://www.kumailplus.com/2012/02/25/26256

 

[justice]

بورصويات

================



متداولين جدد .....

يعني بالكويتي :

ناس على ويوهم
...ميح
...ما يعرفون شي عن خنابيج البورصــه

... عندهم فلوس
...ميمعين فلوس من سنين
..بايعين ارض او بيت او املاك علشان يشتغلون بفلوسها
..توهم مستلمين مكافآت التقاعد
..مسوين حطه
..ماخذين قروض
....يشتغلون لحريم كبار بالسن او اطفال ....
و
غيره....
( يافرحة الحيتان - مصاصين حلال الناس - فيهم )

الذين اتوا حاملين معهم احلامهم و طموحهم و امنياتهم بتحقيق ارباح في بورصة ديرتهم

و كيف انهم أصابهم الذهول مما سمعوا من سوالف البورصه

فالربع تدودهوا ...و أشوه أنهم تدودهوا...ليش ؟؟....لانهم خافوا و أجلوا دخولهم البورصة...

المهم أن اهتمامهم في البورصه مستمر....لكن ما يبون يدخلون الا لما يعرفون البداية الصحيحه...

و هذا عين الصواب




1 من 2




علي آل بن علي
20-05-2013, 03:06 AM​

 

[justice]

إنقطاع بعض الأدوية


يكفي العنوان لنعرف أي درك وصلت اليه سوء الإدارة

و لكن الأهم

.. . لاحظ عدم اكتراث النواب جميعا بموضوع يعرض صحة الكويتيين اللي انتخبوهم للخطر ,, و يعرض المرضى و ضحايا الحوادث للهلاك ..

و لاحظ اهتمامهم و متابعتهم لأمور شتى لا قيمة لها أمام هذه الكارثة الكبرى المتمثلة في عدم وجود كثير من الأدوية


و لاحظ في كل الخطب المفصلة التي استغرقت ساعات طوال آخر 3 جلسات لم يتطرق للموضوع الا ما ندر من النواب و بكلمات قليلة .. فيما هو منشور في الصحف و في وسائل التواصل الاجتماعي ..

مع ملاحظة أن بعض الامور التي يثيرها النواب مع الوزراء مباشرة تحسم خلال ساعات


و لاحظ كيف أن و رغم بلوغ الأمر هذا الدرك الخطر ..
لا دعوة لجلسة طارئة مجلس الأمة يتم فيها حسم هذا الموضوع ......ولا حتى تصريحات ( ما عدى تصريح صدر اليوم الاحد 4 / 12 من الدكتور حسن جوهر )... و لا أي أحد يحرك ساكنا ...

هذا الامر الكارثي .. يعني أن الوضع وصل إلى مرحلة عدم الإكتراث بما يجري امامهم من استهتار بأرواح الناس و إحتقار آدمية البشر​

الوضع غير طبيعي ..بل وضع وصل لدرجة الجنون ..

الحمدلله أن لدينا رب جبار يجبر أحوالنا و ينصرنا على الظالمين
فـــ
حسبي الله و نعم الوكيل
إِنَّ اللَّهَ بَصِيرٌ بِالْعِبَادِ
( إِنَّ اللَّهَ بَصِيرٌ بِالْعِبَادِ يقول: إن الله عالم بأمور عباده, ومن المطيع منهم, والعاصي له, والمستحق جميل الثواب, والمستوجب سيئ العقاب. )​

 

[justice]

https://twitter.com/x/status/1573406661649526784

هذا قبل الإنتخابات

انزين الحين و ين الرمز وينه

في نقص ادوية و اهل الكويت يتعرضون للخطر ... و ين الرمز وينه

مو اسكان و توظيف و تعليم لأ ,, علاج المرضى ... وين الرمز وينه

وين الحجي اللي في الفيديو و اللي تحدث عنه بانفعال و بحماس شديد وينه.. وين الرمز وينه

وين القسم بالذود عن مصالح الشعب وينه

و ين ان أودي عملي بالصدق و الأمانة .. وينه

ما شفنا الا انك صرت رئيس ... و خاموش



إيييييييييييه .. نلت مرادك ... الله يهنيك

و الله يعيننا على من أوليناه ثقتنا .....ليحظى بلقب معاليك....



و اهل الكويت يشوفون و يقيمون .......
و يعيدون حساباتهم بكل من كانوا بالظن به يحسنون

 

[justice]

سلسلة مقالات


ترى الدعم لأهل الكويت بالأسم ......

................... و لا اهو في الأصل للتجار ...و للوافدين


​

مؤجل إلى حين

يمكن إن شئتم متابعة ما ينشر عن الموضوع في

ترى الدعم لأهل الكويت بالأسم ......و لا اهو في الأصل للتجار ...و للوافدين

سلسلة مقالات ترى الدعم لأهل الكويت بالأسم ...... ................... و لا اهو في الأصل للتجار ...و للوافدين علي آل بن علي

aljendool.com

علي آل بن علي
14 / 12

 

[justice]

رالف لورين من محط السخريه الى امبراطور ألبسة عالمية..دروس في اقامة المشاريع
قصة رالف لورين و غيرها من قصص النجاح
لاننشرها من باب العلم و الاحاطه

بل ننشرها حتى نستخلص منها الدروس و العبر و الخبرات

انها حكايه واقعيه و اعمال ضخمه و متشعبه و رائده عالميا

من اين لنا ان نستقي قيم الابداع و النجاح اذا لم نستقيها من مثل هذه الانجازات العظيمه

هكذا الانسان ينقل من الانسان

و هكذا الخبرات تتراكم

و يضاف لها و تتطور فينشأ الابتكار​

علي آل بن علي​

طالع الموضوع

رالف لورين من محط السخريه الى امبراطور ألبسة عالمية..دروس في اقامة المشاريع

16-12-2009, 03:53 AM justice عضو تاريخ التسجيل: Oct 2009 المشاركات: 4,940 رالف لورين من محط السخريه الى امبراطور ألبسة عالمية..دروس في اقامة المشاريع قصة رالف لورين و غيرها من قصص النجاح لاننشرها من باب العلم و الاحاطه بل ننشرها حتى نستخلص منها الدروس و العبر و الخبرات انها حكايه واقعيه...

aljendool.com

رالف لورين..

حكاية أميركي صنع من الكرافتات امبراطورية ألبسة عالمية
صانع «الكشخة»

عادة من يعيش طفولة صاخبة مليئة بالسخرية، تكون بقية حياته ردة فعل. وهذا ما حصل مع رالف لورين مصمم الألبسة العالمي. ففي المدرسة كان محط سخرية بين رفاقه لسبب أو لآخر، فقرر اثناء التخرج في الثانوية أن «يصبح مليونيرا».
نشر في
16-12-2009, 03:53 AM

 

[justice]

مجلس الأمه

من هي الأمه .. الأمة سابقا ... أما الآن الأمة المنكوبة

أقول من هي الأمة و ما مكانتها في الأصل .. لا في الشكل و التسميات الصورية الفارغة من المحتوى ...

و كيف يمكن ان يكون لهذه الأمه مجلسا يمثلها بحق ..لا بشكل مشوه فرضته تسويات و ترضيات عند إعداد الدستور

و ماهي اعماله و اهدافه ؟
و ماهو دور الأمه في هذا المجلس ؟

كيف تستطيع الأمه ان تدير و توجه مجلسها ليحقق مصالحها

هل تم تأسيس نظام الدولة و مؤسسة مجلس الأمه على أساس أن الأمة مصدر السلطات وفقا للمادة 6 من الدستور

فإذا كان ذلك كذلك

فأين هي في الدستور المواد التي تبين كيفية تطبيق نص المادة 6 الأمة مصدر السلطات

لا توجد ...
و
لا توجد قوانين تنظم تطبيقها
و
لا يكترث نواب الأمة بالمادة من الأصل ولا بما تعنيه و لا ما ترمي إليه ..لإنهم لا يريدون أن يكونوا سلطة تأتمر بأمر الشعب.. و انما سلطة فوق الشعب ..

لذلك الإمة مغيبة عن إدارة الدولة




_ 1 _
​

علي آل بن علي
​

نشر في 07-11-2009, 10:48 AM
و تم الإضافة عليه

 

[justice]

-


و عليه

فالأمة التي تنص المادة 6 من الدستور أنه مصدر السلطات ليس لها سوى مادة واحدة في الدستور
تتيح لها فقط
أن تسقط ورقة اقتراع في صندوق للأوراق فقط
و
لأنتخاب سلطة واحدة فقط

و حتى في هذه السلطة التشريعية ..
سلطة الحكومة هي من تضع النظام الانتخابي للأمة لكي تنتخب ممثلي مجلسها
و تشرف عليه و تبعد من الترشيح من ترى ابعاده ..و لا تنشر النتائج التفصيلية

فإذا كانت الأمة مصدر السلطات ..فكيف لسلطة أن تضع نظام انتخاب مصدرها !!!!!!

..........................


_ 2 _
​

 

[justice]

فأي ديموقراطية تلك التي لا يشارك فيها الشعب فعليا و ليس شكليا في ادارة شؤون حياته

بل
و لا حتى في وضع نظام انتخاب ممثليه !!!

و أي أمة مصدر السلطات و هي لا تصدر منها الا سلطة واحدة .. و حتى في هذه السلطة .. ليس لها الا اختيار اسماء فقط
تمنحهم وكالة عامة دون اي التزام او عهد قانوني لتنفيذ ارادتها
و
وهنا الكارثة
"" دون أن يكون للأمة الحق في الغاء وكالتها ""

هل سمعتم في العالم عن وكيل لا يحق له أن يحاسب من يفوضه و يسحب وكالته منه ؟؟!!!

فكيف بأمة توكل أفراد معدودين بمصيرها و أحوالها و لا يحق لها سحب تفويضها


فعن ماذا تتسائلون ؟؟؟

ليش يصكون دواوينهم و يغلقون تلفوناتهم و يهملونكم و يدخلون بروجهم العاجية .. و ينتقون من المنافع ما يشاؤون و من المعاشات الاستثنائية و الاراضي يغرفون ..
و
كل شوي يشيلون من المال العام و يهدرونه فتات عليكم لعلكم عنهم تلتهون


إسلاميون وطنيون مصلحون .. شعارات يها يتدثرون
إنهم أكبر ممثلون ..
و على ماذا ..على آلام الأمة يمثلون


بداية الأمر ....و منتهاه :

من أمرك ..قال من نهاني
عرفتوا شلون
من أمرك ..قال من نهاني ... بس
أنهوهم ...
ألزموهم يصدرون قانون يتيح للشعب إسقاط النائب و بالتصويت إذا ما إنحرف
و شوفوا ذيك الساعة شلون لمواقفكم يتحسبون .. و لكم كأمة يحترمون
و
لإرادتكم ينصاعون






​

علي آل بن علي​

​