هذي الكويز لأ غلط ..هذي الكويت وفيهي ..أوهو..هذي الكويت و فيها اللي نبي
شفيني ماني قادر اكتب عنوان من كلمتين ..صج فشله
---------------------------------
يقول لك النواب بيعطون علاوه للحريم و هم قاعدين في البيت
يعني يدرسون 18 سنه وبعد ما يتخرجون يتقاعدون فورا
صج نواب فلته....صوتي لهم للابد
جانزين يسوون حق الرياييل نفس الشي
هذا غير كودريات مادري كوادر
مكافات شهريه للطلبه
لاب طوب لكل طالب
بدل خلاله ........مادري بطاله
....و مزادات لدكتوريات و ماجاستريات بأرخص الاسعار...
شهادات من كل دوله و قريه.....حشا سوق جمعه
جني خرته بالكتابه ...
ترى متعلم زين...و اعرف اكتب ...بس هذا من الفرخه آآآآآمن الفرحه
عاد شلي بالكتابه و الدوخه ...اخلى واحد يكتب لي
اخوي ...انتوا مكتب طباعه رسائل و تقارير و بحوث
*** أيوه...
اكتب اخوي الحجي اللي بقوله الحين ....
اكتب.....
تذكرة طياره و جم دينار و انت اللي خالص.... شهادات دكتوراه ، ماجستير ، بكالوريوس
*** تتطبع ازاي كلمة " جم "دي...
يامعود اكتب...مالي خلقك ...
*** يعنى انا اللي لي خلقك...طب ما كل واحد يحتفظ بخلقه عنده و نخلص
شتقول انت ....حبيبي اكتب و آنا اشرح لك الكلام الكويتي...زين
*** لأ ...الوطنيه......آو....
اكتب
تذكرة طياره و جم دينار و انت اللي خالص.... شهادات دكتوراه ، ماجستير ، بكالوريوس
....شهادات بدون دراسه و بدون حضور...
لا و تنقي ...تبي طبيب....مهندس ...
تلاقي معاك في الدراسه نواب... وكلاء...رؤساء شركات ..موظفين....على كيف كيفك
الله...الله...الله...ياكثر الدكاتره في الديره...غرقانه
لى قلت دكتور..يلتفت عليك ثلاث أرباع اللي جدامك
بلد بتاع شهادات صحيح على قولة عادل امام في المسرحيه
شنبي اكثر من جذي ....
لا و تبي بحث او دراسات ...تلاقي مكاتب في الكويت الطباعه يسوون لك اللي تبي
عطها الدكتور او المدرس وانت اللي خالص
و اذا توظفت ماداوم....و يمشيلك راتب
بدلات مهندسين..محاسبين..مدرسين..امناء مكتبه ..مفتشين..اقتصاديين ..
تعرف صاحب شركه يسجلك و يعطونك بدل
طردوك من شركه يعطونك بدل بطاله
منت راضي ...يه.....اشاره من ايدك لنائب ..و اللي تبيه يصير
بسنا تعليم...بسنا فلوس
شي...شي ...هالديره
هذي الكويت و فيها اللي نبي
احبك ياوطني...عاشت الكويت
اكو دوله مثلها....تعطينا ما تاخذ منا
....ناقصنا شي واحد بس
نبي مكافأه لتعويضنا عن احباطنا من عدم قدرتنا على ابتداع نوع جديد من المكافآت
*** ايه ده ................
كمل الطباعه....مالك شغل
===============
شكرا للنواب على التنميه الكشريه
التعديل الأخير بواسطة المشرف: