عن التداول .. لدي بعض من معرفة و آراء و مدارك و مفاهيم و استنتاجات .. أدونها هنا ..

الحالة
مغلق و غير مفتوح للمزيد من الردود.


من تحربة نزول سهم كميفك الحاد نتعلم دروس و عبر
--------------​




دور مؤشر الدايفرجنس في حماية اموالك

divergences.png


1737502006881.png



1737501634863.png




ينبه مقدما الى هبوط السهم





1
 

عندنا 3 .. احتمالات

مؤشر يقول ان صانع السوق بيكمل نزول
و عندنا شمعة الاقفال على دعم يعني ارتداد
و عندنا سعر 230 التداول فوقه يعني انتهاء الهبوط

التداول يعلمنا




2
 
فكر بما يلي ..و احفظه صم :

لما يصعد سهم بقوة ... تظن انها فرصة شراء .. فيما يقصد صانع السوق رفع السعر ليجعلك تظن انها فرصة شراء فيبيع عليك ما جمعه في القاع ..
فينزل و تتكدر ...
و يمكن تبيعه ..و يرد يطلع و يزيد الكدر و القهر

و مع تقلبات السوق المدهشة تنسى
ثم
تكرر ذلك كلما صعد سهم ما


قاعدة أساسية

كل صعود يعقبه نزول الى قاع اعلى من القاع الذي صعد منه ..

** انزين بالله و اصل الصعود

انتظر فرصة أخرى .. و قبل ذلك حماية المال اهم من تحقيق الربح


قاعدة اساسية
كل صعود يعقبه نزول الى قاع اعلى من القاع الذي صعد منه ..
كل شنو ؟... كل صعود يعقبه نزول

يعقبه نزول إلى شنو ؟ ... الى قاع اعلى من القاع الذي صعد منه ..
.
. هذا .. في حالة كان المسار مواصلة الصعود ..

و
ما يؤكد مواصلة الصعود انه بعد ارتداده من القاع الجديد الأعلى ..
.
يتجاوز القمة التي سبق أن نزل منها ...

إلى قمة جديدة أعلى

طالع 👇
1745075199743.png








================
علم أكرمني به الله جل في علاه ..
أنقله لغيري
ليعلم به و ليحمي أمواله

و الحمد و الشكر لله الأكرم الذي يعلمنا ما لانعلم





علي آل بن علي​
 
التعديل الأخير:


قاعدة أساسية

كل صعود يعقبه نزول الى قاع اعلى من القاع الذي صعد منه ..

علشان جذيه .. لا تشتري السهم لما يطلع

لأ

إنتظره لما ينزل

** انزين بالله و اصل الصعود .. مو أخاف يطوفني

و شحقه تخاف ..انت ياي تخاف و تحاتي و لا ياي تشتري سهم بالنازل و تبيعه لى صعد..

شنو ... ما في سهم غيره !!!!

الحين لى بقيت تشتري شي بعشر دنانير تقعد ادور من دكان لى دكان تسوم ليما تحصل السعر الأرخص ..
لا و اذا اللي شريته في عيب اتطقها عنوة للمحل و ترده

و لي بقيت تشتري بآلاف الدنانير اتواكل و يحوشك هلع من خوفك ان السهم بيطلع و ان ما راح تحصل السهم بسعر نازل فتستعجل و تقط فلوسك .. تطخه و بس ..
عجيبة ...
ليش تحس بالدنانير ... و لا تحس بآلاف الدنانير

ليش تندفع و تقطها ...شنو فلوسك يمره .. بتحذفها

مستعجل هاه ... اشوف لما تحط فلوسك وديعة تصبر سنة علشان تربح فائدة 4 %

سو نفس الشي .. حط هدف انك تحقق بس 10 % من تداولاتك خلال سنة ..و اقعد اقتنص الفرصة

سوم بالنازل ما حصلت في فرص ثانية .. فلوسك عندك ..و اسهمهم عندهم .. و تنقي على كيف كيفك

لي شريته و نزل شيرد فلوسك.. لكن اذا ما شريته ادور غيره و فلوسك عندك .. عزيز كريم

اللي تسويه لما تشتري اغراض بالدنانير .. اولى انك تسويه لما تشترى بالآلاف ..
مرة ثانية
اللي تسويه لما تشتري اغراض بالدنانير .. اولى انك تسويه لما تشترى بالآلاف ..



و قبل كل ما تقدم اهم شي في البورصة .. حماية نفسيتك و صحتك و مالك..

اهم اضعاف مضاعفة من تحقيق الربح




علي آل بن علي​
 
justice قال:
الصفاة .. وصل المقاومة 138

في وضع ترقب النزول غدا او بعد غد .. حتى لو صعد قليلا

و المقاومات تتحول الى دعوم
أنقر للتوسيع...

justice قال:

كميفك ..صعد و وصل 176 ..و تجاوزه الى 190

في وضع ترقب النزول غدا او بعد غد .. حتى لو صعد قليلا
أنقر للتوسيع...

فعلا هبط السهمان ..و تحسر من تحسر




نصيحة ..ان كنتم تحبون الناصحين ..........


أكررها لنفسي و من يقرأ ..و لن أمل في تكرارها
ليش التكرار ؟ ...
لإن ضغط و زخم ..اللهفة و الشغف و التفاعل مع تقلبات الأسعار طموحا و خوفا
يجعل
التفكر و التقييم و اتخاذ قرار الشراء فارغا من كل نصيحة و منطق و علم



-------------------------------------------------------

التداول مهمة يجب أن تبدأ و تنتهي ..
تبدأ و شنو ؟ ...تنتهي

مو خل أشتري الحين و بعدين يصير خير

و قرار الشراء و البيع بأسعار محدده يجب ان يتخذ قبل التداول ...
دون تردد
دون تردد
دون تردد


انتظار الاهداف .. أو بصورة أدق إنتظار هوى النفس

يعني انتظار لا نهاية له .. و ابقاء الفلوس في مهب الريح ..ومحاتات

من يصعد سهمك .. اشتعلت خواطر النفس الحنانة .. قرقة ..
الحين عقب ما صعد أبيعه ..
شلون ابيعه ..اخاف يصعد ..
يا معود ما صدقت على الله اشتري سهم و يصعد ..
مالي شغل بهالربادية اللي باعوا
و لا لي شغل بتوقعات النزول

فوق ...فوووووووووق

طبعا هذا الوضع يتكرر .. رغم تكرار الخسائر

و هذ بالضبط المشاعر النفسية التي يريدون صناع السوق من خلال تقلبات الأسعار و الكميات أن تعيشها .. و توجهك

الرد .. بكل بساطة :

الزيادة في السعر اللي خايف اطوفك خذها من سهم ثاني ..

سهم ثاني ينقلك لأحوال مختلفة عن أحوال السهم الذي بعته
و
جو نفسي جديد
و
مسار سعري جديد
و
أمل يتجدد
و
روح تنتشي
و
في الحركة بركة

لا ..و تشتري السهم الثاني و انت فخور بنفسك لإنك تكون فعلا قد حققت ارباح حقيقية و شريت فيها بعد .. و بدون محاتات ..
و
برفقة شعور اقدام و تفاؤل يلوح في النفس و ينعشها
​





------------------------------
بالطبع السهمان لهما جولات اخرى من الصعود
و لكن النصيحة عن نهج التداول بصورة عامة






علي آل بن علي
 
التعديل الأخير:
الحالة
مغلق و غير مفتوح للمزيد من الردود.
عودة
أعلى