الآن لا حديث في البلد إلا حديث العجز في الميزانية ... نقاش حامي الوطيس
صدمة ...تسونامي ... من انخفاض اسعار البترول ... وهقة .. ما وعينا إلا بتراجع رهيب في الاسعار .. فصار شنو ...الايرادات ما تكفي المصروفات
يه ..يه ... شقاعد يصير ...شالسالفة
طيب شنسوي ..
لازم نشوف حل ..بس هااااا.. لا يمكن ان نمس جيوب المواطنين ...لااااااااا...لاااااا
شنسوي ...شنسوي ..
ما في حل إلا برفع اسعار المحروقات و الكهرباء و الماء ..
خنسوي دراسة عن الدعم ..
يا شركة استشارية شنسوي .. احنا قاعدين ندعم مواد التموين و مواد البناء و الكهرباء و الماء و الطلبة و ..و...
ردت الشركة الاستشارية ... رفعوا الدعوم
إي والله صح
.. بس ها ...بدون المس بجيوب المواطنين
و .... عاد النقاش حامي الوطيس .. و إحتدم ..
و قفزت تضحيات القيادات الادارية للأجهزة الحكومية ...خلاص مادام البلد في عجز احنا ما ناخذ سيارات ..راح نكتفي بـ 250 دينار بدل سيارة .. يومية السفر 350 .. لا 300 بس
justice, 22 فبراير 2016