للسوق و أسهمه مسارات و أهداف ... امثلة من السوق ..

[justice]

3 اهداف للمؤشر

5674 تجاوزه يعني دخل السوق في الايجابية

5680

5716

 

[justice]

ما خلونا نتهنا .. صادين عنهم و مجابلين السوق .. و لاحقينا لى السوق .. تصريحات نارية ما راعوا فيها المواطنين و اقتصاد البلد ..و هذه نتيجتها .. تراجع السوق و خسروا المتداولين

تأثر المؤشر بتصريحات المسؤولين الكويتيين الحادة حول الاوضاع السياسية ... فهبط

و لكن فخامة الترند كان له بالمرصاد للمرة الثالثة وردعه .. فإرتد قليلا

تدرون يالربع شيقول الترند ،
.. ترى أذيتوني .. كل شوي مؤشركم قاط عمره علي ..3 مرات في يومين .. ترى ماراح ادعمه ..خلاص .. سمعتوا .. ..... هه



اللي يسمع تصريحات المسؤولين الخطيرة .. يقول كأنهم من الفريق اللي يتخذ القرار .. العجيبة انهم نفسهم اللي يرددون على الناس ..لا تدخلون احنا ديرة صغيرة ما تحمل التوترات ..
انزين امريكا و ايران يقولون ما في حرب و يدعون للتفاوض.. ترامب نفسه يقول قاعد انطر تلفون من ايران

ما تراعون البلد و اهله و اقتصاده .. شنو يعني المسؤولية .. يعني مسؤول حتى عن الكلمة ..
تبي احد حاسبهم .. .. انتبه حتى .. ما كو احد ...عادي ..قوم ما كاري

 

[justice]

اذا سكتوا المسؤولين عن التصريح ,,,

المؤشر الى 5629

و 5646

 

[justice]

ما الذي حدث اليوم الخميس ؟

سار المؤشر عكس ما توقعت .. فقد هبط المؤشر .. و لا مس الترند ثم ارتد ..
وهذا يبين قوة دعم الترند فقد صد المؤشر 4 مرات في ايام متقاربة

لماذا لم يتحقق ما توقعته من صعود المؤشر ؟

الخطأ كان مني .. فقد اخترت مسارا خاطئا للنموذج ..طالع الشارت القناة المحددة باللون الازرق
و عليه ظهر اقفال يوم امس و كأنه اخترق القناة و عاد ليؤكد الاختراق .. فشنو .. حددت اهداف خاطئة

و المسار الصحيح هو في القناة المحددة باللون الاحمر.. و فيها يظهر ان المؤشر لم يخترق سقف القناة .. بل لامس السقف ثم اقفل متراجعا .. و بالتالي الاقرب هو النزول ..خصوصا و انه كان هناك شمعة احتوائية تشي الى نزول

يمكن يثار سؤال ان شمعة الاقفال كانت عاكسة للإتجاه فلماذا لم يصعد ؟

الجواب ان الشموع العاكسة للإتجاه تكون مصداقيتها قوية عندما تظهر عند مستوى دعم .. كأن تلامس الترند السفلي

يلاحظ ان المؤشر بعد ارتداده توقف عند الترند الازرق ..مما يدل على ان الترندات و ان لم تكن هي المطلوبة .. قد يحترمها صانع و يقفل عندها
==




هذه الملاحظات تبين كم ان فحص الشارت و المؤشرات و الاحتمالات و الخيارات يحتاج الى دقة و تفكر

كما تبين لي .. انني لم أصل الى المستوى المطلوب ..
و
ان الامر يحتاج مني الكثير من الجهد و البحث لكسب المهارات و الخبرة

و هذا بحد ذاته ميزة لقراء الشارتات كونه ينبههم لمستواهم


​

 

[justice]

عادت تصريحات المسؤولين الخطيرة .. اللامسؤولة ....ما كو فايدة ..
بلد خري مري .. لا احد يهتم ..


ربما يكسر السوق الاحد دعم الترند اللي ردع المؤشر 4 مرات حتى الخميس ..

الدعم
الاول .. 5540
الثاني .. 5510

 

[justice]

ذكرت في المشاركة اعلاه انه تأثرا بتصريحات المسؤولين الخطيرة .. ربما يكسر السوق الاحد دعم الترند اللي ردع المؤشر 4 مرات حتى الخميس ..

و ان الدعم
الاول .. 5540
الثاني .. 5510

شلي صار ؟
فعلا نزل المؤشر من 5578 اقفال الخميس .. و لكنه توقف عند 5554 ثم ارتد و صعد ..لم يكسر الترند كما اشرت في مشاركتي
و عاد صعد و اخترق سقف القناة الاولى .. الخط الازرق ..


و اليوم صعد و اخترق سقف القناة الثانية .. الخط الاحمر ..

فنيا هذا الصعود له هدف محتمل 5671

و تدعمه المؤشرات التالية :

اختراق مؤشر البنوك لمستوى الايجابية
و لمتوسط 50 ..و يعني ذلك عودة لمساره قبل التوترات السياسية
و شمعة اسبوعية ايجابية لمؤشر البنوك

و حول مؤشر السوق
اختراق لمؤشرايجابية
دخول في ايجابية البولنجر
اختراق سقف قناة يوم و 60
اختراق ماكد 60
ايجابية آر سي اي
جلستي شراء
استمرار مستوى كميات التداول
بس ...خلاص ..تعبت .. ولا ترى في غيرهم

شتبون بعد ..تمنى يا عنتر ..




قارن بين الشارتين .. ..

شارت اقفال الخميس

شارت يوم الاثنين
نزول الاحد و من ثم ارتداده مشار له بالدائرة الخضراء .. و السهم البرتقالي

 

[justice]

ما قلت لكم امس فنيا هذا الصعود له هدف محتمل 5671 .. طالع فوق ... مشاركة امس

اليوم كم اقفل ؟ >>>>>5671 بالظبط ..

قت لكم بس ما تصدقون .. شسوي بعد


خل اصور سلفي مع الاقفال اخاف ما تضبط مرة ثانية ...........


-------------------------

السوق دخل في الايجابية ترى ..

الهدف القادم لمؤشر السوق

5713
ثم 5728

بس هاااااااااخلوا الكبارية يقلطون بالسوق الاول .. و بعدين ايي دور سوق الصغارية .. الرئيسي

نفس النظام الاجتماعي للبلد







=======​

===

سوالف عن سهم ارزان ..

هذا شارته

فيه شي يسوى .. ما في .. خطوط في خطوط

و الحين .. تم اضافة خطين فتبين انه في اختراق .. و الاختراق يعني فنيا هدف محتمل 37

و الحين .. تم اضافة خطين بعد ..اللون البني ..فتبين مثلث و انه فيه اختراق للمؤشر.. و الاختراق يعني فنيا هدف محتمل 35

و الحين .. تم اضافة بعد خطين اللون الوردي بعد فتبين انه قاعد يسير في مسار صاعد داخل قناة صاعدة من شهر 3

يعني اللي ما يعرف بالرسم يمكن يبيعه لما يشوفه ينزل .. بينما الشارت يوريك انه نزوله يأتي ضمن موجات الصعود و الهبوط .. لكنه على المدى الطويل قاعد يسير في مسار صاعد


شفت شلون الرسم على الشارت يطلع لك من لا شيء اشياء .. و يبين لك مسار السهم ..و اهدافه ..

و يحكم اين انتم ..​

 

[justice]

-

ما قلت لكم امس ... ما قلت لكم ... السوق دخل في الايجابية ترى ..
و ان الهدف القادم لمؤشر السوق راح يوصل 5713 ثم 5728 .. طالع فوق .. مشاركة امس

كم وصل اليوم ؟ 5725 ...ثم تراجع و اقفل 5710

لا وللمرة الثانية في يومين ورى بعض تحقق الاهداف
هم الاثنين قلت الهدف يوم الثلاثاء 5671 .. و االثلاثاء اقفل 5671

أقول .. بس ما تصدقوني .. مع ان علينا رمضان

تعال آنا شحقه اتعب حالي و اكتب مادام جذي .. بس خلاص ما راح اكتب عن اهداف السوق ..مولية ... كلش ...كلش ...كلش ... .. مو لازم اسوى جذي .. لأن اللي صار صدفة ما تكرر الا كل 50 سنة..شيضمن لي بالله انها راح تكرر.. اوووه موبايلي خربان ..وليه .. ابي اصور سلفي علشان اتشيحط بهالصدفة

 

[justice]

اليوم الخميس يمكن ينوخ شوية .. و الدعم 5691 .. و 5668

ثم يرتد ... و عندها يستهدف 5743

 

[justice]

يالربع : ترى الخميس وصل 5748 و رد تراجع و اقفل 5731

تحليل المؤشر من شاعر بورصوي :

يااااااااااااااااالمؤشر العام

.. راكب قطارك ..5727 دعمك .. 5746 محطتك ... 5784 يهدتك ..

.......أما الرئيسي خامد ينطرك ..... يكون يعني جذي يالرئيسي توبكك ..
أثاري من قرادتنا فرملك ...وليه مالت على اللي خسبقك ​

 

[justice]

مؤشر الحالمين
الرئيسي
​

بيييييه ...تو الناس ..
عقب ما صعد المؤشر العام لأيام .. بدي يصحصح الرئيسي .. اللي فيه اسهم الصغارية

المهم انه بدى .. امامه 4749 الاحد ..و هو في طريقه الى 4761 ... اذا تجاوز 4766 يكون دخل في الايجابية

دعمه 4734

 

[justice]

المؤشر العام ...

اهداف التوقع 5746 .. 5784 ..
وصل اليوم الاحد 5758 و اقفل 5725

===================

مؤشر سوق الحالمين ..الرئيسي

ذكرت انه بدأ يتحرك ...و فعلا بدأ يتحرك

اهداف التوقع كانت 4749 .. 4761 ...

وصل 4762 ...و اقفل 4745

 

[justice]

كل عام و انتم بخير
و عيدكم مبارك

و تداول موفق .. يجلب خيرا كثير.. و ييب بيزات تسوى ..عدل ؟

​

المؤشر العام .. في طريقه الى الهدف المذكور اعلاه .. و يسير اول على 5775 علشان تصدقونه

اما مؤشر الحالمين ..الرئيسي .. فدخل رسمي .. مو عليها لأ ... دخل في الايجابية

وصل هدفه المتوقع 4762 و طافه الى 4767

و مواصل لى 4785 ..و عقبه مستوى محتمل 4825

المؤشر لا ينشرى و لا ينباع .. فشنسوي .. ما في داعي نشغل انفسنا فيه و نتابعه يوميا..لآنه يؤثر نفسيا علينا و يخلي قرارنا مرتبط فيه .. مو بحركة الاسهم

المهم انه دخل في الايجابية .. و نركز على الاسهم

نخليه يولي ... بس هااااااااا .. طالما انه فوق شنو ؟ ... 4759 ..

 

[justice]

سهم زين

شوفوا السهم و ين وقف ...عند الخط البني ... انزين ..شيمثل هالخط .. و منين ياي .. و ليش وقف عنده السهم ؟

و السهم المنقط اللي فوقه منين ياي ؟ .. و ما هي اهميته ؟

بعد قليل ..اجاوب ..

.......................

 

[justice]

علشان تعرف قيمة الادوات الفنية

طالع شارت زين و لاحظ مسار السهم و ين وقف ...عند الخط البني .. ليش ؟...

طال الشارت الثاني تحت تعرف :

شارت 2

الشارت اللي فوق رقم 1 يبين لك مسار السهم خلال 6شهور ..اما الشارت 2 يبين لك مسار السهم خلال سنتين
و تلاحظ فيه ان الخط البني اللي شفناه في الشارت 1 كان امتداد لترند يصل بين قاعين بدأ .. و يا للصدفة العجيبة ..في 5 /6 / 2017 ..و احنا علينا 7 / 6 / 2019 .. ليتني كاتب المشاركة اول امس

و امتداد الترند خلال سنتين كان يشكل 4 دعومات و مقاومة للسهم ..طالع الشارت الاسهم الارعة القصيرة ..
و يوم الاثنين توقف عنده السهم
يعني مقاومة ... فيفيدك انه يعلمك سعر مقاومة السهم و شكثر تطلع ربح من سعر شراءه

و في الشارت تعرف ايضا ان السهم اذا اخترق سعر آخر قمة له فمعاته في صعود .. اما اذا وصل لها و تراجع فمعانته هذا حد صعوده ..طالع الاسهم الخضراء

آخر اعلى قمة وصل لها السهم 569 ... تعتبر مقاومة للسهم .. اذا اخترقها ..معناتها في بعد صعود طيب ..و اذا ما اخترقها معناتها بيتراجع

حاليا هدفه المحتمل 564 ...

يمكن يتراجع شوية الاحد و يرد يعاود الصعود
عموما اهو في منطقة تشبع شراء مما يعني احتمال تراجع مرتقب ...دعمه 540

كل هذه البيانات يوفرها لك الشارت و الادوات الفنية
مؤشراته ممتازة

 

[justice]

حالة السوق ...التوقع : السوق دخل في الايجابية ...... الفعلي : .. تحقق
المؤشر العام ... التوقع 5784 ...................... الفعلي : تحقق .. و تجاوزه الى 5812
مؤشر الحالمين ( الرئيسي ) :
........ التوقع 4785 و عقبه 4825 .......... الفعلي : تحقق وصل 4785 بالظبط
زين ..التوقع : 564 ............................... الفعلي : تحقق و وصل 565

طالع مشاركات الجمعة و السبت اعلاه



الساعة 10.18 ...


الحمد لله ..و الشكر لله على نعمه .. فهو الذي يعلمنا مالم نعلم

 

[justice]

زين الى 569
السوق العام هدفه 5842
و الرئيسي الى هدفه 4825


نزل الرئيسي ..شلون تقول بيطلع ..يااااااااااه ...

...... النزول يسمى فنيا تأكيد اختراق قناة .. و تأكيد الصعود ..عرفت



------------------
ملاحظة : السوق الحين وصل 5825 و هو نفس ما وصل له يوم 7 / 5 .. و عقبها بدأ التوتر السياسي .. و تصريحات مسؤولينا ... فتأثر السوق و نزل

 

[justice]

ترى زين وصل 568 ... و التوقع كان اليوم الصبح 569 طالع فوق

ذكرت في مشاركة السبت انه عموما اهو في منطقة تشبع شراء مما يعني احتمال تراجع مرتقب ...آخر اعلى قمة وصل لها السهم 569 ... تعتبر مقاومة للسهم .. اذا اخترقها ..معناتها في بعد صعود طيب ..و اذا ما اخترقها معناتها بيتراجع


راح يقفل بشمعة مطرقة مقلوبة و فنيا تعني تراجع ... الايجابية اذا تجاوز 566

نتابع

دعمه اضحى 554 ... 543

عموما اهو في منطقة تشبع شراء مما يعني احتمال تراجع مرتقب ...دعمه 540...آخر اعلى قمة وصل لها السهم 569 ... تعتبر مقاومة للسهم .. اذا اخترقها ..معناتها في بعد صعود طيب ..و اذا ما اخترقها معناتها بيتراجع

 

[justice]

سوالف عن سهم ارزان ..هدف محتمل 35 و 37

هذا شارته

فيه شي يسوى .. ما في .. خطوط في خطوط

و الحين .. تم اضافة خطين فتبين انه في اختراق .. و الاختراق يعني فنيا هدف محتمل 37

و الحين .. تم اضافة خطين بعد ..اللون البني ..فتبين مثلث و انه فيه اختراق للمؤشر.. و الاختراق يعني فنيا هدف محتمل 35

و الحين .. تم اضافة بعد خطين اللون الوردي بعد فتبين انه قاعد يسير في مسار صاعد داخل قناة صاعدة من شهر 3

يعني اللي ما يعرف بالرسم يمكن يبيعه لما يشوفه ينزل .. بينما الشارت يوريك انه نزوله يأتي ضمن موجات الصعود و الهبوط .. لكنه على المدى الطويل قاعد يسير في مسار صاعد


شفت شلون الرسم على الشارت يطلع لك من لا شيء اشياء .. و يبين لك مسار السهم ..و اهدافه ..

و يحكم اين انتم ..​

اذكركم بما ذكرته عن ارزان .. ان له هدفين ... 35 ... 37 .. طالع فوق


كان سعره وقتها 31.2 ... الحين 33

يالربع لا تستهينون بالفلوس .. بس شنو ؟..احسبوها بالنسب .. يعني مثلا ارزان ارتفاعه من 31.2 الى 35 فيه 12% ..
احسبوا دايما بالنسب ..مو بالفلوس ..


--------------------

زين ارتد

تجاوز 567 ..عاد للإيجابية .. هدفه 577 .. و ان اخترق 669 آخر قمة .. ينفتح أفق الأرتفاع

 

[justice]

صكوك سهم صار له شهور ينزل ..

الجديد فنيا ... شارت اسبوع

توقف .. و سار افقي
اسبوع شرائي
زيادة كمية
تشيع بيع

و هذا يعني السهم مقبل على ارتفاع .....
نتابع الجذاب لى باب مساره

يقولون لى حجى الاسبوعي الكل ياكل ...........